Islom birdamligi o'yinlarida 7 sportchi bilan qatnashgan paralimpiyachilarimiz 8 ta medal bilan ortga qaytishyapti

Ushbu nufuzli musobaqada haqiqiy matonat egalari bo'lgan paralimpiyachilarimiz ham munosib ishtirok etishdi. 

Jumladan, 4 ta para sport turida jami 7 nafar ishtirokchi bilan Turkiyaga yo'l olgan O'zbekiston Paralimpiya terma jamoasi yakunda 3 ta oltin, 2 ta kumush va 3 ta bronza, jami 8 ta medalga sazovor bo'lgan holda, bor kuch-g'ayratini ishga solib, Vatanga bo'lgan muhabbatini yana bir bor namoyon qildi. Bu shubhasiz muhtaram Prezidentimiz tomonidan yurtimizda Paralimpiya harakatiga qaratilayotgan yuksak etibor va g'amxo'rlikning yaqqol namunasidir.

SHuni alohida takidlash lozimki, V Islom birdamlik o'yinlarida O'zbekiston paralimpiya terma jamoasi yosh va yangilanlan tarkibda ishtirok etdi. Bu esa oldinda bizni yorqin g'alabalar kutayotganidan dalolatdir!

Mustaqilligimizning 31 yillik shodiyonasi arafasida qo'lga kiritilgan ushbu yutuqlar Yangi O'zbekistonning yangi yoshlari zabt etayotgan yangi marralarning ostonasidir! Bayram barchamizga muborak bo'lsin!