“Islom birdamlik o'yinlari”. Dzyudochimiz Diyorbek ham 1/2 finalda!

Bugun musobaqaning dzyudo bahslari boshlandi. Erkaklar o'rtasidagi musobaqaning -60 kg vazn toifasida o'tkazilayotgan bahslarda yarim final ishtirokchilari malum bo'lmoqda.

Ushbu vazn toifasida yurtimiz sport sharafini himoya qilayotgan Diyorbek O'razboev birinchilardan bo'lib yarim final yo'llanmasini qo'lga kiritdi. U yarim finalga yo'llanma beruvchi uchrashuvda qozog'istonlik Bayurjan Jauyntaevni mag'lub etdi.

Rio Olimpiadasining bronza medali sovrindori bo'lgan Diyorbekning yarim finaldagi raqibi turkiyalik Bekir Ozlu bo'ladi. U chorak finalda marokashlik sportchidan ustun keldi.