24 fev 17:06
Yangiliklar

Sport kurashlari

Islomjon Bahromov, Rustam Assakalov, Mahmud Baxshilloev oltin, Mo'minjon Abdullaev bronza uchun gilamga chiqadi

Teglar : Mo'minjon Abdullaev Rustam Assakalov

Istanbul shahrida erkin, yunon-rum va ayollar kurashi bo'yicha reyting turniri murosasiz kurashlar ostida davom etmoqda.

Quvonarlisi, kechki dasturda uch nafar yunon-rum kurashchimiz nufuzli musobaqa medallari uchun gilamga chiqadi. 63 kg vazn toifasida yurtimiz sharafini himoya qilayotgan Islomjon Bahromovdan so'ng Mahmud Baxshilloev (67 kg) va Rustam Assakalov (97 kg) ham final yo'llanmasini qo'lga kiritishdi.

Eng tajribali "klassigimiz" yarim finalda norvegiyalik Feliks Baldaufni 7-1 hisobida engdi. Uning oltin medal uchun kechadigan bellashuvdagi raqibi finlyandiyalik Arvi Martin Savolaynen bo'ladi.

Mahmud Baxshilloev esa yarim finalda turkiyalik Furkan Yildizni 4-3 hisobida mag'lubiyatga uchratdi. Buxorolik polvonimiz finalda norvegiyalik Morten Toresenga qarshi bahs olib boradi.

Uchta Olimpiada ishtirokchisi Mo'minjon Abdullaev esa kechki dasturda qozog'istonlik Alimjan Sizdikovga qarshi bronza medali uchun gilamga chiqadi. U biroz avval bronza yo'lidagi o'tish bahsida finlyandiyalik Konsta Maeinpaini 5-1 hisobida engdi.