Ismoilov Gimcheondagi ishtirokini g'alaba bilan boshladi

Ismoilov sovrin jamg'armasi 50 ming dollardan iborat “CHellenjer” turkumiga kiruvchi musobaqaning yakkalik bahslari ilk davrasida franciyalik raqibini mag'lubiyatga uchratdi.

Entoin Esskofierga qarshi kortga chiqqan hamyurtimiz 6:4, 6:3 hisobida g'alaba qozondi. Ismoilovning ikkinchi bosqichdagi raqibi Andryu Uittington bo'ladi. Avstraliyalik bu tennischi hozirgina yakuniga etgan uchrashuvda mezbonlar vakili Xyun-Vu Namni 6:3, 6:0 hisobida dog'da qoldirdi.