Ispaniya - Devis Kubogi-2019 sohibi!

Xabar berganimizdek, Ispaniya poytaxti Madrid shahri terma jamoalar o'rtasida norasmiy jahon chempionati hisoblangan Devis Kubogiga mezbonlik qildi. 

Hal qiluvchi final uchrashuvida Ispaniya terma jamoasi kanadalik tennischilarni 2:0 hisobida mag'lub etib, Devis Kubogi sohibiga aylandi. Reytingning 15-pog'onasidan joy olgan Denis SHapovalovni 6/3, 7/6(7) hisobida mag'lub etgan sayyoramizning birinchi raketkasi Rafael Nadal terma jamoasiga Kubokni taqdim etdi. 

SHu tariqa, Ispaniya terma jamoasi o'z tarixida oltinchi bor Devis Kubogini qo'lga kiritdi. Nadal terma jamoasi uchun ketma-ket 31-uchrashuvda g'alaba qozondi. Rafa 2004 yildan beri terma jamoasi tarkibida yutqazmayapti.