Ispaniya JCH-2018 yo'llanmasini qo'lga kiritdi

JCH-2018 saralash bosqichining Evropa mintaqasi G guruhida etakchilik qilib kelgan ispanlar o'z maydonida Albaniyani yirik hisobda taslim etib, muddatidan oldin JCH chiptasini qo'lga kiritishdi. 

Birinchi bo'limning o'zida Rodrigo, Isko va Tyago Alkantara tomonidan kiritilgan gollar “Qizil furiya”ga yirik g'alabani taqdim etdi.

Saralash bahslari yakuniga bir tur qolganda ispanlar guruhda eng yaqin taqibchilari Italiya termasidan besh ochko ilgarilab, guruh peshqadami sifatida Rossiyada o'tadilan mundialda qatnashish imkonini qo'lga kiritishdi.

JCH-2018 - Evropa.  G guruhi. 9- tur

Ispaniya – Albaniya 3:0

Gollar: 1:0 – Rodrigo – 16, 2:0 – Isko – 23, 3:0 – Alkantara – 26

Italiya – Makedoniya 1:1

Gollar: 1:0 – Kellini – 40, 1:1 – Traykovski – 77

Lixtenshteyn – Isroil 0:1

Gol: 0:1 – Tibi – 21

Turnir jadvali:

1. Ispaniya - 25 ochko;

2. Italiya - 20;

3. Albaniya - 13;

4. Isroil - 12;

5. Makedoniya - 8;

6. Lixtenshteyn - 0.