Ispaniya Superkubogi sohibi bitta o'yinda aniqlanadi

Odatda mamlakat Superkubogi g'olibi ikkita o'yinda (uyda va mehmonda) hal bo'ladi. Biroq taqvim juda tig'izligi tufayli ikki jamoa ham uyda va mehmonda o'yin o'tkazish qiyin bo'ladi. Taxminlarga ko'ra, sovrin uchun uchrashuv 12 avgust kuni "Kamp Nou" stadionida bo'lib o'tadi.

Eslatib o'tamiz, "Barselona" so'nggi mavsumda Ispaniya chempionati va mamlakat Kubogi g'olibiga aylandi. Reglamentga ko'ra, agar bir jamoa chempionat va kubokda g'olib chiqsa, Ispaniya Kubogi finalchisi Superkubokning ikkinchi ishtirokchisiga aylanadi. Kataloniya klubi kubok finalida "Sevilya"ni mag'lub etgan edi.