Ispaniya VAR rahbari Levandovskining goli nega hisobga olinmaganini tushuntirib berdi

"Barselona" hujumchisi "Sosedad" darvozasiga gol urganidan so'ng hakam Gilermo Kuadra Fernandes VAR yordamida ofsayd bo'lganini elon qildi. Yarimavtomat texnologiya ofsaydni aniqlashda yordam berdi. Polshalikning butsasi raqib himoyachisinikidan darvozaga yaqinroq edi.

"Texnologiya ishga kirishib, o'yindan tashqari holat bo'lganini aniqladi, yana nima deyish mumkin. Texnologiya futbolga, hakamga yordam beryapti va mana shunday vaziyatlarda bizga ko'maklashmoqda.

Bilimsizlik tufayli ko'p tanqid qilishadi. VAR translyaciyada mavjud bo'lmagan qo'shimcha 10 ta kamera bilan ishlaydi. Har bir futbolchining 29 ta nuqtasi kuzatib boriladi, ularning orasida oyoq ham bor.

Ofsayd qayd etildi, hakamga bu haqida etkazishdi va u golni bekor qildi. Bunaqasi har bir o'yinda sodir bo'lishi mumkin", - dedi VAR rahbari Karlos Klos Gomes.