Ispaniyadagi JCHda qahramonlari pul mukofoti bilan taqdirlanishdi

Xabaringiz bor, 14-26 noyabr kunlari Ispaniyaning La Nusiya shahrida boks bo'yicha yoshlar o'rtasida jahon chempionati bo'lib o'tgandi. 

Ushbu musobaqada O'zbekiston yoshlar terma jamoasi azolari umumiy hisobda 5 ta oltin, 3 ta kumush va 2 ta bronza medallarini qo'lga kiritib, umumjamoa hisobida birinchi o'rinni egallashgan edi. 

O'zbekiston yoshlar terma jamoasi jahon chempionatida ilk bor mana shunday ajoyib natija qayd etdi. Kecha, kattalar o'rtasida O'zbekiston chempionatining ilk kuni doirasida mazkur musobaqada sovrindor bo'lgan hamyurtlarimiz pul mukofotlari bilan taqdirlanishdi. 

Unga ko'ra, oltin medal sohiblari 3000, kumush medal sohiblari 2000, bronza medali egalariga esa 1000 AQSH dollari miqdorida pul mukofotlari topshirildi.

Oltin:

-48 kg: Gulsevar G'anieva 

-57 kg: Baxtiyor Asadov 

-67 kg: Javohir Ummataliev

-71 kg: Fazliddin Erkinboev 

-75 kg: To'rabek Xabibullaev 

Kumush: 

-80 kg: Rahmatillo Boymatov

-70 kg: Aziza Zokirova

-81 kg: Oltinoy Sotimboeva 

Bronza:

-54 kg: Xo'janazar Nortojiev

-75 kg: Sahobat Husanova.