Israel Adesanya kechagi nokautli mag'lubiyatiga izoh berdi

Nigeriyalik aralash yakkakurash ustasi kecha Saudiya Arabistoni poytaxti Ar-Riyod shahrida o'tkazilgan UFC Fight Night 250 turnirining asosiy jangida asli kelib chiqishi dog'istonlik, bir necha yildan beri Franciya sharafini himoya qilayotgan Nassurdin Imavovga nokaut evaziga mag'lub bo'ldi. 

"Men hozir dam olishim kerak. Keyin kelajagim haqida o'ylab, bir qarorga kelaman. Hozircha jamoamdagi jangchilarga yordam berib turaman. Men har qanday holatda yakuniy qarorga kelaman. Bu mag'lubiyatdan keyin vaziyat tezlashib ketsa kerak. Jang uchun Nassurdinga rahmat", — dedi Adesanya UFC Fight Night 250 turniridan keyingi matbuot anjumanida.

Malumot uchun, Israel Adesanya Nassurdin Imavovdan oldin SHon Striklend va Drikus Dyu Plesisga ham imkoniyatni boy bergandi. Uning so'nggi g'alabasi 2023 yilning 8 aprel kuni bo'lib o'tgan UFC 287 turniriga to'g'ri keladi. O'shanda u Aleks Pereyrani nokaut evaziga taslim etgandi.