29 avg 09:06
Yangiliklar

Boks/MMA

Isroil Madrimov va yana bir bokschimiz WBC reytingiga kiritildi

Xabar berganimizdek, Butunjahon boks ittifoqi (WBC) avgust oyi uchun yangilangan reytingni elon qildi.

Etiborlisi, bu safar yana ikki nafar o'zbekistonlik charm qo'lqop ustasi reytingdan joy oldi. Ular WBA kamari uchun jang qilgan Otabek Xolmatov hamda ushbu kamarning sobiq chempioni Isroil Madrimovdir.

Super yarim o'rta vazn toifasida sobiq WBA chempioni Madrimov yangilangan reytingda 3-o'ringa joylashtirildi. U WBC reytingida so'nggi bor yanvar oyida 8-o'rinda qayd etilgan edi.

Yarim engil vazn toifasida WBA kamari uchun jang qilib, mag'lub bo'lgan hamyurtimiz Otabek Xolmatov esa reytingda 18-o'rinni egalladi. U 2023 yil dekabr oyida o'zi kiritilgan so'nggi reytingda 7-o'rinda edi.