Isroil Madrimovning Rafael Igbokvega qarshi jangi to'liq davom etdi

Amerika Qo'shma SHtatlarining San-Antonio shahrida navbatdagi professional boks kechasi bo'lib o'tmoqda.

Unda super yarimo'rta vazn toifasida harakat qilib kelgan o'zbekistonlik professional bokschi Isroil Madrimov (9-0-1) o'zi uchun yangi — o'rta vazn toifasida ringga ko'tarildi. Unga amerikalik Rafael Igbokve (16-4) raqibliq qildi. 10 raundga mo'ljallangan jang to'liq davom etdi va unda hakamlarning yakdil qarori bilan (100-90, 99-91, 99-91) hamyurtimiz g'alaba qozondi.

Bu Isroil Madrimov uchun prof-faoliyatidagi to'qqizinchi g'alaba bo'ldi. Igbokve esa ikki yillik tanaffusdan so'ng yana ringga qaytdi va yana mag'lubiyatga uchradi.

Oqshomning co main event'ida yana bir hamyurtimiz — Murodjon Ahmadaliev filippinlik Marlon Tapalesga qarshi himoya jangida ringga ko'tariladi.