Istomin Franciya turniridagi ikkinchi uchrashuvini o'tkazdi

Xabar berganimizdek, "Quimper Challenger 100" turnirida hamyurtimiz Denis Istomin ham ishtirok etayotgandi. Mamlakatimizning birinchi raketkasi ilk davrada slovakiyalik tajribali Lukash Lackoni 6/3, 6/7(2), 7/6(4) hisoblarida mag'lubiyatga uchratgan edi. 

Afsuski, tennischimiz 1/8 final bahsida franciyalik Konstan Lestennga imkoniyatni boy berib qo'ydi. Bir soatu 17 daqiqa davom etgan uchrashuvda mezbonlar vakili ikki setda ham bir xil 6/4 hisobida zafar quchdi. 34 yoshli Istomin ATP reytingida 183, Lestenn esa 227-o'rinni egallab turibdi.