26 jan 11:31
Yangiliklar

Tennis

Istomin Franciya turniridagi ishtirokini g'alaba bilan boshladi

Franciyaning Kemper shahrida tennis bo'yicha covrin jamg'armasi 88,520 evroni tashkil etuvchi "CHellenjer" turniri bo'lib o'tmoqda.

"Quimper Challenger 100" turnirida hamyurtimiz Denis Istomin ham o'z imkoniyatini sinovdan o'tkazyapti. Mamlakatimizning birinchi raketkasi ilk davrada slovakiyalik tajribali Lukash Lackoga qarshi kortga chiqdi.

Uch set davom etgan qiyin bahsda Istomin raqibini 6/3, 6/7(2), 7/6(4) hisoblarida mag'lubiyatga uchratib, 1/8 finalga yo'l oldi. Uning nimchorak finaldagi raqibi bugun Denis Kudla (AQSH) - Konstan Lestenn (Franciya) bahsidan so'ng malum bo'ladi.

Taqqoslash uchun, 34 yoshli Denis Istomin ATP reytingida 183, 33 yoshli Lacko 200, Kudla 116, Lestenn esa 227-o'rinni egallab turibdi.