01 okt 17:19
Yangiliklar

Tennis

Istomin Nur-Sultandagi ilk uchrashuvini germaniyalik tennischiga qarshi o'tkazadi

Qozog'istonning Nur-Sultan shahrida tennis bo'yicha "CHellenjer" turkumiga kiruvchi turnir davom etmoqda.

Ushbu musobaqaning asosiy to'r bahslarida mamlakatimizning birinchi raketkasi Denis Istomin ham o'z mahoratini namoyish etadi. Hamyurtimiz birozdan so'ng juftlik bahslaridagi ishtirokini boshlaydi. Denis rossiyalik bir necha yillik hamkori Mixail Elgin bilan juftlik hosil qilgan.

Istomin yakkalikdagi ilk uchrashuvini esa ertaga o'tkazadi. Denisning raqibi germaniyalik Yulian Lenc bo'ladi. Ayni paytda tennischimiz ATP reytingida 164, Lenc esa 264-o'rinni egallab turibdi. Yani, Istomin reyting jadvalida raqibidan roppa-rosa 100 pog'ona yuqorida joylashgan.