IV yozgi Osiyo o'yinlariga selekciya ishlari olib borilmoqda

Davlatimiz rahbari 2020 yil 29 dekabrda O'zbekiston Respublikasi Oliy Majlisiga qilgan Murojaatnomasida ushbu sport anjumanini yuqori saviyada o'tkazish borasida ham alohida to'xtalib o'tgandilar.

Mazkur topshiriqlar ijrosini o'z vaqtida va samarali taminlash maqsadida barcha hududlarga amaliy ishlar boshlab yuborildi. Jumladan, Jizzax viloyatida ham iqtidorli yoshlarni saralab olish (selekciya) ishlarini olib borish maqsadida musobaqalar tashkil etish rejalashtirilgan.

Bunday ishlarni amaldagi ko'rinishi sifatida Jizzax viloyati G'allaorol tumanini ko'rsatish mumkin. Kuni kecha tuman Jismoniy tarbiya va sport bo'limi, «Yoshlik» jismoniy tarbiya hududiy bo'limi, Bolalar-o'smirlar sport maktabi hamda Xalq talimi bo'limi bilan hamkorlikda 2025 yilgi yoshlar o'rtasida IV yozgi Osiyo o'yinlariga tayyorgarlik ishlarini olib borishga bag'ishlangan yig'ilish bo'lib o'tdi.

Unda 2008-2009 yillarda tug'ilgan sportchi-o'quvchilar o'rtasida sportning voleybol, basketbol, qo'l to'pi, futbol, stol tennisi, badminton, kurash, dzyudo, erkin kurash, boks, badiiy gimnastika, sport gimnastikasi, taekvondo va engil atletika turlari bo'yicha tuman birinchiligi musobaqasini o'tkazish masalalari ko'rib chiqildi va joriy yilning mart oyida tasdiqlangan Nizom asosida musobaqalarni o'tkazishga kelishildi. Hozirda musobaqalar o'tkazilmoqda.