Jahon chempionati. Bu safar Javohirda mag'lubiyat, Islombekda g'alaba

8, 10 hamda 12 yoshli shaxmatchilar o'rtasida tashkil etilayotgan jahon chempionatida dunyoning 100ga yaqin mamlakatidan istedodli shaxmatchilar ishtirok etyapti.

Sakkiz yoshlilar o'rtasidagi musobaqada o'z imkoniyatini sinab ko'rayotgan Humoyun Bekmurodov 8-turda gruziyalik Aleksandr Garuchavani mag'lubiyatga uchratib, ochkolarini 4taga etkazib oldi.

O'n yoshli shaxmatchilar bahsida birinchi raqam ostida tasniflangan Islombek Sindorov esa oq donalarda harakat qilib, AQSH vakili Lu MIngni taslim etdi.

O'n ikki yoshli shaxmatchilar musobaqasida ikkinchi tartib raqamli ishtirokchi bo'lib turgan Javohir Sindorov esa aksincha mag'lubiyatga uchradi. U oq donalarda o'ynashiga qaramay, reytingda o'zidan pastda turgan rossiyalik Valeriy Skatchkovga imkoniyatni boy berdi.

Qizlarimizdan Afruza Hamdamova bu safar durang o'ynadi. U qora donalarda o'ynab, reytingda o'zidan ancha yuqorida turgan rossiyalik Aleksandra SHvedovadan ochko tortib oldi.

Hamyurtlarimizdan Yuliya Xegay serbiyalik Nevena Jorjevich bilan murosa yo'lini tanladi. Maftuna Bobomurodova esa qora donalarda harakat qilishiga qaramay, eronlik Zardast Mahjubni engdi.