Jahon chempionati finalida SHveciya va Kanada o'ynaydi

Kanada terma jamoasidan so'ng shveciyalik xokkeychilar ham final chiptasini qo'lga kiritishdi. Ular yarim final bahsida Finlyandiya terma jamoasini 4:1 hisobida mag'lub etishdi.

Eslatib o'tamiz, ikkinchi yarim final juftligida azaliy raqiblar – Rossiya va Kanada terma jamoalari o'zaro to'qnash kelishgandi. Ikkinchi bo'limdan so'ng 2:0 hisobida oldinga chiqib olgan Oleg Znarok shogirdlari yakunda mag'lubiyat (2:4) alamini totib ko'rishgan edi.

Demak, bugun final uchrashuvida Kanada va SHveciya terma jamoalari to'qnash kelishsa, Rossiya va Finlyandiya o'zaro o'yinda bronza medal kimga tegishli ekanligiga oydinlik kiritib olishadi.