Jahon chempionati. Humoyun ilk bor ochko yo'qotdi, grossmeysterimizda g'alaba

Nufuzli musobaqada O'zbekiston terma jamoasining bir necha yosh toifasidagi shaxmatchilari ham ishtirok etishyapti. Ulardan birgina Humoyun Bekmurodov g'olibona yurishini davom ettirayotgan edi. Kecha yosh shaxmatchimiz ilk bor ochko yo'qotdi. O'tkazilgan 8-turda u turkiyalik Uygar Duruchay bilan murosaga keldi va o'z ochkolarini 7,5taga etkazib oldi. 

Yosh grossmeysterimiz Javohir Sindarov o'tgan turdagi kutilmagan mag'lubiyatdan so'ng yana g'alaba qozondi. Javohir qozog'istonlik Aytuar Jukenovni taslim etdi. SHaxmatchilarimiz orasida eng yuqori reyting ochkosiga ega Nodirbek Yoqubboev esa SHri-Lanka shaxmatchisini mag'lubiyatga uchratib, ochkolarini 7,5taga etkazdi. 

Afruza Hamdamova 8-turda yana mag'lubiyat alamini totib ko'rdi. U qora donalarda o'ynab, gruziyalik Anastasiya Kirtadzega yutqazib qo'ydi. Qizlarimizdan Umida Omonova turkiyalik Gulshan Kayisni, Zaynura Abrorova SHri-lankalik Anakshi Viraratneni mag'lubiyatga uchratdi. 

17 yoshlilar turnirida qatnashayotgan SHamsiddin Vohidov jamoadaoshi Ali Qosimovdan, Bahrom Bahrillaev qozog'istonlik Miras Assilovdan ustun keldi. Akbar Allaberganov qora donalarda harakat qilishiga qaramay, ozarbayjonlik Yusif Babaevni engdi.