27 okt 08:45
Yangiliklar
Jahon chempionati. Javohirda g'alaba, Islombekda mag'lubiyat
8, 10 hamda 12 yoshli shaxmatchilar o'rtasida tashkil etilayotgan jahon chempionatida dunyoning 100ga yaqin mamlakatidan istedodli shaxmatchilar ishtirok etyapti.
Sakkiz yoshlilar o'rtasidagi musobaqada o'z imkoniyatini sinab ko'rayotgan Humoyun Bekmurodov 7-turda gruziyalik Georgi CHanturiya bilan durang o'ynadi.
O'n yoshli shaxmatchilar bahsida birinchi raqam ostida tasniflangan Islombek Sindorov esa qora donalarda harakat qilib, belaruslik Mixail Spijarniga yutqazib qo'ydi.
O'n ikki yoshli shaxmatchilar musobaqasida ikkinchi tartib
raqamli ishtirokchi bo'lgan Javohir Sindorov esa aksincha g'alabaga erishdi. U qora donalarda
o'ynab, kanadalik SHoun Rodrigeni mag'lubiyatga uchratdi.
Qizlarimizdan Afruza Hamdamova mag'lubiyat alamini totib ko'rdi. U oq donalarda rossiyalik Olesiya Vlasovaga imkoniyatni boy berdi. Yuliya Xegay litvalik Emiliya Misyukni taslim etdi. Maftuna Bobomurodova esa hindistonlik Darsana bilan murosaga keldi.
Fikrlar