Jahon chempionati kubogi Toshkentda namoyish etildi

Poytaxtimizdagi "Hyatt Regency" mehmonxonasida shu munosabat bilan matbuot anjumani tashkil qilindi. 

Mazkur tadbirda FIFA elchisi sifatida futbol bo'yicha 1998 yilgi jahon chempionatida Franciya terma jamoasi safida chempionlikni qo'lga kiritgan Kristian Karambyo bilan birgalikda, O'zbekiston Milliy olimpiya qo'mitasi prezidenti va O'zbekiston futbol associaciyasi birinchi vice-prezidenti Umid Ahmadjonov, O'zbekiston Respublikasi Jismoniy tarbiya va sport davlat qo'mitasi raisi Rustam Qurbonov hamda "Coca-Cola" kompaniyasining O'zbekistondagi rahbariyati vakillari ishtirok etdilar.

Tadbirda kirish so'zini Umid Ahmadjonov boshladi: "Umid qilamizki, O'zbekiston terma jamoasi yana to'rt yildan so'ng Qatarda o'tadigan jahon chempionatida ishtirok etadi. Bir kun kelib bizning terma jamoa ham ushbu kubokni qo'lga kiritadi va biz kubokni O'zbekistonda qoldiramiz", - dedi MOQ prezidenti.

Rustab Qurbonov ham ushbu kubok yurtimizga kelganidan xursand ekanligini qayd etib o'tdi: "O'zbekiston uchun jahon kubogini qabul qilish va Mundial g'olibini kutib olish katta sharafdir. Mazkur tadbirga qiziqish kattaligini bu erda yig'ilgan ko'plab ommaviy axborot vositalari vaillari ko'ligidan ham bilib olishimiz mumkin", - deb aytdi Rustam Qurbonov.

Kristian Karambyo: "Barchaga xayrli kun tilayman. Jahon chempionati kubogi bilan birga O'zbekistonga kelganimdan xursandman. Bizni kutib olganlarga rahmat aytmoqchiman. O'z o'rnida yaqinda Osiyo chempionligini qo'lga kiritgan O'zbekiston terma jamoasini tabriklayman. Ushbu chempionlik mamlakat futboliga albatta foyda keltiradi. Sizning terma jamoangiz ham keyingi jahon chempionatida qatnashishiga umid qilaman. Yurtingiz futboli ishonchli qo'llarda. Terma jamoaga omad tilayman" - dedi jahon chempioni. 

"Coca-Cola" rahbariyati vakili kubokning mamlakatimizga olib kelinishiga izoh berdi: "Jahon kubogi oldin bormagan mamlakatlarga olib borishni istadik. SHuning uchun ham O'zbekiston tanlandi".

Matbuot anjumanidan so'ng FIFA elchisi bilan birgalikda jahon chempionati kubogi barchaga namoyish etildi.