Jahon chempionati sovrindori bo'lgan dzyudochilarimiz hamda ularning murabbiylari taqdirlandi

Kechagi tadbir doirasida 2024 yilgi kattalar o'rtasidagi jahon chempionatida shohsupaga ko'tarilgan sportchilar, tabiiyki ular orasida dzyudochilarimiz hamda ularning trenerlariga ham pul mukofoti topshirildi. 

Diyora Keldiyorova jahon chempionatida kumush, Alisher Yusupov esa bronza medalini qo'lga kiritgan edi. Abu-Dabi mezbonligida o'tgan ushbu jahon chempionatida O'zbekiston terma jamoasi 1 ta kumush va 1 ta bronza medali bilan 107 davlat orasida 11-o'rinni egallagan edi.

Malumot uchun, O'zbekiston Respublikasi Prezidentining 2023-yil 7-apreldagi “Mamuriy islohotlar doirasida yoshlar siyosati va sport sohasida davlat boshqaruvini samarali tashkil qilish chora-tadbirlari to'g'risida”gi 114-son Qaroriga binoan har yili Olimpiya va Paralimpiya sport turlari bo'yicha o'smirlar, yoshlar va kattalar o'rtasidagi jahon chempionatlarida sovrindor bo'lgan sportchilar hamda ularni tayyorlagan murabbiylar bir martalik pul mukofotlari bilan taqdirlanishadi.

SHundan kelib chiqib, Diyora Keldiyorova jahon chempionatidagi kumush medali uchun 7 500, Alisher Yusupov bronza medaliga 3 750 AQSH dollari pul mukofoti sertifikatini qabul qilib oldi.