13 okt 07:14
Yangiliklar

SHaxmat

Jahon chempionati yakunlandi, eng yaxshi natijamiz Omonovada!

Hindistonning Mumbay shahrida o'tkazilayotgan shaxmat bo'yicha 14, 16 va 18 yoshgacha bo'lgan aql idrok sohiblari o'rtasida jahon chempionati yakunlandi.

Jahon chempionatida yurtimiz sharafini Muhiddin Madaminov, WFM Umida Omonova (ikkisi ham 14 yosh), Elbek Sulaymonov (16 yosh) hamda Xolida Namozova (18 yosh) himoya qilishdi.

Kecha o'tkazilgan so'nggi 11-tur uchrashuvida to'rt nafar shaxmatchimizdan hech biri g'alaba qozona olmadi. Muhiddin Madaminov polshalik Yakub CHiziga, Elbek Namozov braziliyalik Kostamilan Mateus Tomielloga imkoniyatni boy berdi. Xolida Namozova norvegiyalik Mariya Greybrokk, Umida Omonova esa hindistonlik Sarayu Velpula bilan durangga imzo chekdi.

SHu tariqa, jahon chempionatida shaxmatchilarimizdan eng yuqori natijani Umida Omonova qayd etdi. Reyting bo'yicha oltinchi raqam ostida saralangan aakilamiz 14 yoshli shaxmatchilar musobaqasida 11 imkoniyatdan 7 ochko jamg'arib, qo'shimcha ko'rsatkichlarga ko'ra 15-o'rin bilan kifoyalandi. Qozog'istonlik Meruert Kamalidinova 8,5 ochko bilan jahon chempioniga aylandi.