14 noy 08:20
Yangiliklar

Boshqalar

Jahon chempionatida 12ta medal qo'lga kiritildi, shulardan 9tasi oltin + FOTO

Hindistonning Kochi shahrida o'zbek kurashi bo'yicha 20 yoshgacha bo'lgan polvonlar o'rtasida hisob bo'yicha sakkizinchi jahon chempionati yakunlandi.

Dunyoning 20dan ziyod davlati yosh polvonlari (qizlar va bolalar) jami 14ta vazn toifasida medallar uchun bahs olib borishdi.

Quvonarlisi, Murod Do'simbetov va Olim Ravshanov murabbiyligidagi terma jamoamizning 13 nafar azosi jahon chempionatida 12ta medalni qo'lga kiritdi. Medallardan 9tasi oltin ekanligi bizni quvontirdi.

O'z vazn toifalarida Ruslan Bo'riev (60 kg), SHahram Ahadov (66 kg), Rahmatullo Nuriddinov (73 kg), Husniddin Xusanov (100 kg), Bekmurod Oltiboev (+100 kg), qizlardan Mahliyo Yo'ldosheva (52 kg), Muxlisa Abdumalikova (57 kg), Umida Mirhamidova (63 kg), Rahima Yo'ldosheva (78 kg) barcha raqibalarini mag'lubiyatga uchratib, jahon chempioni degan sharafli nomga sazovor bo'ldilar.

60 kg vazn toifasida ishtirok etgan Abdulaziz Hamroev, 73kg vazndagi Sadam Ahmedov kumush medalga sazovor bo'ldi. 87kg vazndagi Arofat Abdurahmonova esa bronza medali bilan taqdirlandi.

Jami 12ta medalni qo'lga kiritgan kurashchilarimiz umumjamoa hisobida birinchi o'rinni egallashdi. O'zbekiston madaniyat va sport ishlari vaziri o'rinbosari Murod Aliev beshchiligidagi terma jamoamiz delegaciyasi 15 noyabr kuni soat 13.30da Toshkentga qaytib keladi.