Jahon chempionatida 16ta medal qo'lga kiritildi, 2tasi oltin

Rossiya, Bolgariya, Marokash, Franciya, Gollandiya, Germaniya, Kanada, Serbiya, Italiya, Belgiya, Kosta-Rika, Ispaniya, Xorvatiya kabi dunyoning 30dan ziyod davlatidan 374 nafar sambochi ishtirok etgan jahon chempionatida O'zbekiston terma jamoasining 25 nafar azosi ham medallar uchun bahs olib bordi.

O'smir va yoshlarimiz yakunda 16ta medalni qo'lga kiritishdi. SHulardan 2tasi oltin, 3tasi kumush, 11tasi bronza medalidir. O'zbekiston yoshlar terma jamoasi umumjamoa hisobida uchinchi o'rinni egalladi. Rossiya birinchi, Gruziya terma jamoasi ikkinchi bo'ldi.

Etiborlisi, O'zbekiston sambosi tarixida hali o'smirlar o'rtasidagi jahon chempionatida oltin medal qo'lga kiritilmagan edi. Qo'lga kiritilgan umumiy 16ta medaldan 7tasini qizlarimiz terma jamoamizga taqdim etishdi. Qizlarga tegishli medallardan 3tasi kumush, 4tasi esa bronza medalidir.

68 kg

1. Xolmamatov Fazliddin (O'zbekiston)

2. Xarkov Ivan (Bolgariya)

3. Nagornyy Aleg (Belarus)

3. Negmet Serikbay (Qozog'iston)

60 kg 

1. Mo'minov Ubaydullo (O'zbekistan) 

2. Dzyamko-Gamulec Roman (Rossiya)

3. Abdekov Damir (Qozog'iston) 

3.  Xergiani Irakli (Gruziya)