Jahon chempionatida sensaciya - amaldagi chempion Kanada finalga chiqa olmadi!

SHveycariya terma jamoasi 1/2 finalda amaldagi jahon chempioni Kanadani bullitlar seriyasida mag'lubiyatga uchratib, katta shov-shuv sababchiga aylandi. Banklar yurti vakillari o'z tarixlarida to'rtinchi bor finalga yo'l olishdi. 2018 yildan keyin ilk bor final Kanadasiz o'tadi.  

Pragadagi "O2 Arena"da o'tgan uchrashuvning asosiy vaqtida 2:2 hisobi qayd etildi. Bullitlar seriyasida esa omad shveycariyaliklarga kulib boqdi. G'olib jamoa tarkibida Kevin Fial va Nino Niderrayter kiritilgan shaybalarga mualliflik qilishdi. Bullitlar seriyasida o'sha Fial hamda Sven Andrigetto "penaltini" golga aylantirishdi.

"O2 Arena"da o'tgan ikkinchi 1/2 final uchrashuvida musobaqa mezbonlari CHexiya terma jamoasi SHveciyani yirik 7:3 hisobida dog'da qoldirishdi. G'olib jamoa tarkibida Lukash Sedlak va Dominik Kubalik dulbga erishishdi. David Kempf, Ondrjey Kashe va Martin Nechas ham bu oqshom o'z nomlarini tabloga yozdirib qo'yishdi. SHvedlar tarkibida Markus Yuxansson, Markus Pettersson va Yoel Eriksson Eka kiritilgan gollarga mualliflik qilishdi.

SHu tariqa, bugun finalda CHexiya va SHveycariya terma jamoalari jahon chempioni nomiga oydinlik kiritib olishadi. Yarim finalda mag'lub bo'lgan Kanada va SHveciya terma jamoalari o'zaro o'yinda bronza medalga kim loyiqligini aniqlab berishadi.