Jahon chempionatini 8-o'rinda yakunlagan Daniil Eybog o'z shaxsiy rekordini yangiladi

Musobaqada O'zbekiston terma jamoasi azosi Daniil Eybog uchta masofada startga chiqdi.

Jumladan, 500 metr masofaga kechgan bahslarda Eybog V finaliga qadar etib keldi. Yakunda u sakkizinchi natijani ko'rsatib, ushbu masofadagi dunyoning eng kuchli 10 sportchisi qatorida qayd etildi.

Bundan tashqari, Daniil 1500 m va 1000 m masofalarda yarim finalning o'tish bosqichiga qadar etib bordi.

O'zi uchun yakkalik masofalaridagi ilk Jahon chempionatiga aylangan musobaqada Eybog 39.930 natija bilan 500 m masofadagi shaxsiy rekordini yangilagani ham ahamiyatga molik.