Jahon chempionatining ikkinchi kungi bahslari yakuniga etdi

Biroz avval rapid yo'nalishi bo'yicha 9-tur uchrashuvlari bo'lib o'tdi. Rapid bo'yicha amaldagi jahon chempioni Nodirbek Abdusattorov bu turda qora donalarda rossiyalik Daniil Dubov bilan durang o'ynadi. Bu bilan Nodirbek ochkolari sonini 7 taga etkazib, qo'shimcha koeficentlarga ko'ra 3-o'rinni egallab turibdi. Bu turda amaldagi jahon toji sohibi Magnus Karlsen qora donalarda o'ynashiga qaramay, gruziyalik Giga Kuparadzeni mag'lubiyatga uchratdi. Ushbu g'alaba norvegiyalikka 7,5 ochko bilan yakka peshqadam bo'lib olishini taminladi. 

Birinchi ayol grossmeysterimiz Nafisa Mo'minova bu turda ham mag'lubiyat alamini totib ko'rdi. Hamyurtimiz oq donalarda o'ynab, ukrainalik Anna Usheninaga imkoniyatni boy berdi. Bu turda Umida Omonova rossiyalik Olga Girya bilan durangga imzo chekdi. Afruza Hamdamova esa qozog'istonlik Liya Kurmangalie bilan ochkolarni bo'lashib oldi. 

SHaxmatchilarimizning 9-turdagi natijalari (erkaklar): 

Daniil Dubov (FIDE, 2741) - Nodirbek Abdusattorov (2676) 0,5-0,5

Richard Rapport (Ruminiya, 2802) - Nodirbek Yakubboev (2573) 0,5-0,5

Javohir Sindarov (2596) - Bardiya Daneshvar (Eron, 2419) 0,5-0,5

Jahongir Vohidov (2529) - Maksim Matlakov (FIDE, 2671) 0-1

SHamsiddin Vohidov (2481) - Robert Xovxannisyan (Armaniston, 2630) 0,5-0,5

Muhiddin Madaminov (2337) - Aryan Tari (Norvegiya, 2556) 0,5-0,5

Nderim Sarachi (Kosovo, 2441) - Muhammadzohid Suyarov (2089) 0-1

Humoyun Begmuratov (2292) - Aziz Degenbaev (Qirg'iziston, 2039) 1-0

Qizlarimizning 8-turdagi natijalari:

Nafisa Mo'minova (2242) - Anna Ushenina (Ukraina, 2371) 0-1

Umida Omonova (2059) - Olga Girya (FIDE, 2328) 0,5-0,5 

Liya Kurmangalie (Qozog'iston, 2114) - Afruza Hamdamova (2052) 0,5-0,5