Jahon chempionatining Jamoaviy bahslarida dzyudochilarimiz chempion va vice-chempionga aylanishdi + FOTOGALEREYA

Uch kun davomida "Yunusobod" sport majmuasida dunyoning 30 dan ortiq davlatidan 400 nafarga yaqin harbiy dzyudochilar jahon chempionati medallari uchun bahs olib borishdi. Yakkalik musobaqasida 5 ta oltin, 5 ta kumush, 3 ta bronza medalini qo'lga kiritgan O'zbekiston terma jamoasi yakunda umumjamoa hisobida 1-o'rinni qo'lga kiritgandi. 

Kecha jahon chempionatining so'nggi kuni jamoaviy bellashuvlar tashkil etildi. Ayollar o'rtasidagi bahslarda qizlarimiz jahon chempioniga aylanishdi. O'zbekiston ayollar terma jamoasi finalda franciyalik dzyudochilarni 3:1 hisobida engishdi. 

O'zbekiston erkaklar terma jamoasi esa murosasiz kechgan final uchrashuvida mo'g'ulistonlik harbiy dzyudochilarga 2:3 hisobida imkoniyatni boy berib qo'yishdi. Hal qiluvchi beshinchi bellashuvda Artyom SHturbabin raqibiga yutqazib qo'ydi.