22 sen 17:38
Yangiliklar

Dzyudo

Jahon chempionatining jamoaviy bahslaridagi raqibimiz - Gollandiya!

Xabar berganimizdek, shu kunlarda Ozarbayjon poytaxti Boku shahrida dzyudo bo'yicha yilning eng nufuzli musobaqasi - jahon chempionati bo'lib o'tmoqda.

Sayyoramizning 131 mamlakatidan 800 nafarga yaqin sportchi ishtirok etayotgan yilning nufuzli musobaqasida o'zbekistonlik polvonlar ham o'z imkoniyatlarini sinovdan o'tkazishyapti. Hozircha yakkalikdagi ishlarimiz yaxshi emas.

Terma jamoamiz jahon chempionatining jamoaviy bahslarida ham ishtirok etadi. O'n to'qqiz davlat terma jamoalari qatnashadigan musobaqadagi ilk raqibimiz gollandiyalik dzyudochilar bo'lishadi. Bu ikkinchi bosqich uchrashuvi hisoblanadi. G'olib tomon yarim finalga chiqish uchun Koreya, Ruminiya va Turkiya terma jamoalarining biri bilan to'qnash keladi.