23 noy 08:01
Yangiliklar

SHaxmat

Jahon chempionidan kambek, bugun hal qiluvchi tay-brek o'ynaladi

Rossiyaning Xanti-Mansiysk shahrida o'tkazilayotgan shaxmat bo'yicha ayollar o'rtasida nokaut tizimidagi jahon chempionati o'z yakuni sari yaqinlashmoqda.

Jahon chempionatining sovrin jamg'armasi 450 000 AQSH dollarini tashkil qiladi va g'olib shaxmatchi 60 000 dollarga ega bo'ladi. Amaldagi jahon chempioni xitoylik Ju Ven Jun rossiyalik Katerina Lagnoga qarshi kechayotgan final bahsida ajoyib kambekni amalga oshirdi.

Lagno to'rtinchi partiya oldidan 2:1 hisobida oldinda borayotgan va durang natija ham unga jahon tojini taqdim etardi. Boz ustiga, u oq donalarda harakat qilardi. Lekin amaldagi jahon chempioni oson taslim bo'lmadi. Aksincha, qora donalarda harakat qilib, g'alaba qozonishga muvaffaq bo'ldi. Bu bilan hisob 2:2 ko'rinishga keldi. Bugun hal qiluvchi tay-brek o'ynaladi.