Jahon kubogida munosib ishtirok etgan sambochilarimiz taqdirlanishdi

Mazkur tadbirda Milliy olimpiya qo'mitasi prezidenti Umid Ahmadjonov, MOQ rahbariyati, O'zbekiston sambo federaciyasi mutasaddilari, sportchilar va OAV vakillari ishtirok etishdi. 

Eslatib o'tamiz, 22-23 mart kunlari Moskvadagi “Lujniki” Olimpiya sport kompleksida sportning sambo turi bo'yicha Jahon kubogi bo'lib o'tgan edi. Ushbu musobaqada yurtimiz sharafini 13 nafar sportchi himoya qildi. Umumiy hisobda vakillarimiz 2 ta oltin, 5 ta kumush va 6 ta bronza, jami 13 ta medal jamg'arib, jangovor sambo yo'nalishida umumjamoa hisobida ikkinchi o'rinni qo'lga kiritishgan.

Musobaqada oltin medalni Zafar Allaberganov (-68 kg, jangovor sambo) va Sirojiddin Anorqulov (-57 kg, jangovor sambo) qo'lga kiritgan bo'lsa, Bekzod Nurmatov (-82 kg, jangovor sambo), Zarnigor O'rmonova (-56 kg), SHerzod Rasulov (-62 kg), Istam Qudratov (-74 kg), Hakimjon Ismailov (+100 kg, jangovor sambo) va Nemat Yoqubov (-90 kg) kumush medal egasi bo'lishdi. SHuningdek, Ulug'bek Rahmonov (-82 kg), Zuhraxon Mamurjonova (-52 kg), Timur Xudoyqulov (-68 kg), Abdikerimov Ikrom (-52 kg) va Jalolov Abbos (-74 kg) shohsupaning uchinchi pog'onasiga ko'tarilgan.

Musobaqada g'olib va sovrindor bo'lgan sportchilar, shuningdek, ularning murabbiylari MOQ tomonidan Samsung Galaxy Tab plansheti va diplom bilan taqdirlanishdi.