Jahon toji uchun match. Ikkinchi partiyada ham durang qayd etildi

Unda amaldagi jahon chempioni norvegiyalik Magnus Karlsen hamda davogarlar turniri g'olibi amerikalik Fabiano Karuana o'zaro to'qnash kelishmoqda. Birinchi partiya deyarli 7 soat davom etib, qora donalarda harakat qilgan Karlsen durangga erishgandi. 

Ikkinchi turda ham tomonlar murosaga kelishdi. Uchinchi partiya oldidan hisob 1:1 ko'rinishida bo'lib turibdi. SHaxmatchilar o'zaro 12 partiyada munosabatlariga oydinlik kiritib olishadi. Agar ushbu partiyalarda g'olib aniqlanmasa, u holda rapid, yani tezkor shaxmat bo'yicha qo'shimcha 4ta partiyaga murojaat qilinadi.