Jahongir Jumaev bir kunda ikki bor jang qilib, Centurion FC Gran-Prisi g'olibiga aylandi!

Kecha Dubay (BAA) shahrida aralash jang sanatlari bo'yicha Centurion FC promoushenining navbatdagi musobaqasi bo'lib o'tdi.

Quvonarlisi, mazkur musobaqada jang qilgan uch nafar hamyurtimizning har uchchalasi g'alabaga erishdi:

Bahromjon Ro'ziev (2-0) — Mohamed Mamduh (4-3, Misr) - (2-raundda texnik nokaut bilan)
Feruz Usmonov (3-0) — Abdelgani Saber (5-1-1, Misr) - (Hakamlar qarori bilan)

SHuningdek, yana bir hamyurtimiz — Jahongir Jumaev (10-3) esa Centurion FC Gran-Prisida ishtirok etib, chempionga aylandi. Bu yo'lda hamyurtimizga birinchi bo'lib rossiyalik Abdulatip Magomedov (7-1) qarshilik qildi. Jumaev rossiyalik raqibini birinchi raunddayoq sabmishen orqali mag'lub etdi.

Gran-Pri finalida esa Jahongir Jumaevga irlandiyalik Nikolay Grozdev (6-2) raqiblik qildi. Hamyurtimiz bu safar ham birinchi raunddayoq g'alabani rasmiylashtirdi va yarimo'rta vaznda vakant bo'lib turgan chempionlik kamarini ham qo'lga kiritdi.