Jahongir Vohidov individual natijalar bo'yicha oltin medalni qo'lga kiritdi. Hisobimizda kumush va bronza medali ham bor

SHaxmat Olimpiadasida jamoaviy bahslardan tashqari individual natijalar bo'yicha ham kurash ketadi.

Ushbu individual natijalar bo'yicha Jahongir Vohidov 4-taxtada o'ynagan  shaxmatchilar orasida 1-o'rinni egallab, oltin medalni qo'lga kiritdi.

Nodirbek Abdusattorov esa 1-taxtadagi shaxmatchilar orasida 2-o'rindan joy olib, kumush medalga ega chiqdi. U hattoki shaxmat tojining amaldagi sohibi Magnus Karlsenni ham ortda qoldirdi. 1-taxtada oltin medal Gukeshga nasib qildi.

Nodirbek Yakubboev esa 2-taxtadagi shaxmatchilar orasida 3-o'rin va bronza medali sohibi bo'ldi.