Janubiy Koreya elchisi O'zDJTSUga 50 million so'mdan ortiq sport anjomlari sovg'a qildi

Dastavval elchi janoblari universitetda talabalarga yaratilgan sharoitlar bilan tanishtirildi. SHundan so'ng universitet rektori Mahmud Boltabaev va mehmonlar bilan uchrashuv bo'lib o'tdi.

Uchrashuvda ikki mamlakat o'rtasidagi jismoniy tarbiya va sport sohasidagi hamkorlikning hozirgi holati, oliy talim muassasalarining o'rni, o'qituvchilar hamda talabalar almashinuvi xususida so'z yuritildi. Hamkorlik ko'lami bo'yicha taklif-mulohazalar bildirildi hamda uni kengaytirish imkoniyatlari muhokama qilindi.

SHuningdek, uchrashuvda mehmonlarga O'zbekiston davlat jismoniy tarbiya va sport universitetida amalga oshirilayotgan qurilish-tamirlash ishlari bo'yicha taqdimot qilindi.

Uchrashuv yakunida mehmonlarga estalik sovg'alari topshirildi. O'z o'rnida elchi janoblari Kan Je Kvon taekvondo talim yo'nalishi talabalari uchun universitetga qiymati 50 million so'mdan ortiq bo'lgan dobok, protektor, mitta va boshqa sport anjomlarini sovg'a qildi.

Malumot uchun: 2008 yildan buyon universitetida taekvondo talim yo'nalishiga talabalar qabul qilinmoqda. SHu yillar davomida mazkur yo'nalish bo'yicha 352 nafar oliy malumotli mutaxassislar etishib chiqdi va hozirda ular respublikamizning turli viloyatlarida o'z faoliyatlarini muvaffaqiyatli davom ettirishyapti. Hozirgi kunda taekvondo talim yo'nalishida 310 nafardan ortiq talaba yoshlar tahsil olishmoqda.

Taekvondo mutaxassisligini tugatgan talabalar orasidan Akmal Ergashev, Evgeniya Karimova, Irina Dirgach, Jasur Boyqo'ziev hamda Nikita Rafalovich singari xalqaro toifadagi sport ustalari, jahon chempionati sovrindorlari va Osiyo o'yinlari g'oliblari etishib chiqqan.

SHuningdek, universitetda bir necha yillardan buyon Janubiy koreyalik professor Baek Mun Jong talabalarga taekvondo sporti sir-asrorlarini o'rgatib kelmoqda.