Janubiy Koreya - O'zbekiston 1:1. Fayziev yutqazdi, Istominda g'alaba

Bugun yakkalikda ikkita uchrashuvning o'tkazilishi rejalashtirilgan edi. Ulardan biri o'z yakuniga etdi. Besh set davom etgan bahsda ikkinchi raqamli tennischimiz Sanjar Fayziev koreyaliklarning birinchi raketkasi Xyon CHonga 4:6, 4:6, 7:6, 6:4, 0:6 hisobida yutqazdi.

Taqqoslash uchun, Xyon CHon dunyo reytingida 73, Fayziev esa 367-o'rinni egallab turibdi. Birinchi raketkamiz Denis Istomin Janubiy Koreya terma jamoasining ikkinchi raqamli tennischisi Dak Xi Liga qarshi kortga chiqdi. Birinchi setda Denis raqibiga 4:6 hisobida yutqazib qo'ydi. Biroq keyingi uchta setda hayumrtimiz raqibga imkoniyat qoldirmadi va yakunda 4:6, 6:2, 7:6, 6:4 hisoblarida g'alabaga erishdi.

Demak, dastlabki kungi bahslardan keyin hisob teng - 1:1.

Ertaga juftlik bahsi bo'lib o'tadi.