Jastin Getji: "Konor Makgregorga musht tushirishni sabrsizlik bilan kutyapman"

"Men bu haqda yuzlab marta ochiq aytganman — Konor Makgregorning yuziga zarba berishni juda xohlayman. SHuning uchun bu jangni intiqlik bilan kutyapman. Uning ro'paramda turganini ko'rishni sabrsizlik bilan xohlayman.

Hech qanday shubha yo'qki, Konor ushbu sport tarixidagi eng katta superyulduzlardan biri hisoblanadi. SHu sababli unga qarshi jang qilish moliyaviy jihatdan men uchun juda foydali bo'ladi va menga afsonaviy maqomga erishish imkonini beradi", — dedi Getji.

Uning fikricha, Makgregor bilan ehtimoliy to'qnashuv nafaqat sport nuqtai nazaridan, balki tijoriy jihatdan ham faoliyatidagi eng muhim janglardan biri bo'lishi mumkin.