Jastin Getjining ehtimoliy raqibi va jang sanasi aytildi

Unga ko'ra, amerikalik aralash yakkakurash ustasi o'ziga tegishli BMF kamarini yarim engil vaznda sobiq UFC chempioni Maks Xolloueyga qarshi o'tkazishi mumkin. Bu haqda "Xaylayt"ning menejeri Ali Abdel-Aziz xabar bermoqda.

"Kim 17 fevral kuni BMF kamari uchun kechadigan Jastin Getji - Maks Xollouey jangini ko'rishni istaydi?", - deya ijtimoiy tarmoqdagi sahifasida xabar qoldirgan Abdel-Aziz.

Alining bu eloni Xolloueyning Jastin Getji bilan jang uchun engil vazn toifasiga ko'tarilishi mumkinligi haqidagi gapidan uch hafta o'tib aytildi. Agar bu jang amalga oshsa, Islam Maxachev va CHarlz Oliveyra o'rtasidagi revansh jangi deyarli tasdiqlangan bo'ladi. 

Malumot uchun, 35 yoshshli Jastin Getji oxirgi ikkita jangida Rafael Fizievni ochkolar hisobiga ko'ra mag'lubiyatga uchratdi, davogarlar to'qnashuvida Dastin Poreni nokautga uchratdi. 31 yoshli Maks Xollouey ham ketma-ket ikkita jangda zafar quchdi. Avvaliga Arnold Allenni ochkolar hisobiga ko'ra engdi, keyin esa Koreyalik Zombini nokautga uchrata oldi. 

Eslatib o'tamiz, 17 fevral kuni raqamlangan UFC 298 turniri bo'lib o'tadi. Oqshomning asosiy jangi yarim engil vazn toifasida o'tkazilib, unda UFC chempioni Aleksandr Volkanovski kamarini davogar Iliya Topuriyadan himoya qiladi.