Jasurbek "Tayson" Jo'raev bir haftadan keyin Toshkentda jang qiladi + POSTER

Tashkilotchilar tomonidan ushbu oqshomning yana bir media jangi tasdiqlandi. Pop-MMA jangchimiz Jasurbek "Tayson" Jo'raev Octagon 91 turniri doirasida qirg'izistonlik Islom Egamberdievga qarshi oktagonga chiqadi. Islom jang oldidan 3 g'alaba va 3 mag'lubiyatga ega bo'lib turibdi. Jo'raevda 6 g'alaba va 2 mag'lubiyat bor. 

"Toshkentdagi shiddatli turnirning media-jangi barcha muxlislarni xushnud etadi. Qirg'izistonlik jangchi jiddiy tajribaga ega va kamar uchun haqiqiy davogarlarga qarshi munosib janglar o'tkazgan. Islom haqiqiy "yirtqichlar" bilan to'qnash kelgan va har doim yuqori saviyani ko'rsatib kelgan. Ortida katta qo'llab-quvvatlovga ega bo'lgan Egamberdiev muxlislarning sevimli jangchisiga qarshi chiqadi va uning butun "xayp"ini (mashhurligini) tortib olishga tayyor!

Tayson faoliyatidagi navbatdagi sinovga yaqinlashyapti va yana barchani hayratda qoldirishga tayyor. Jo'raev ligadagi to'qqizinchi jangini o'tkazadi. Jasurbek chuqur nokaut uchun oldinga intiladi va vatandoshlariga unutilmas shou taqdim etishga harakat qiladi", deyiladi tashkilot press-relizida.