30 avg 07:39
Yangiliklar
![](/upload/storage/18318_220.jpg)
JCH-2018. Saralash bosqichi. BAA irodali g'alabaga erishdi
Osiyo mintaqasining “V” guruhida ishtirok etayotgan BAA terma jamoasi o'z maydonida Saudiya Arabistoni termasi ustidan irodali g'alabaga erishdi. Uchrashuvning 20-daqiqasida mehmonlar hisobni ochgan bo'lishlariga qaramay, mezbonlar tezda o'zlariga kelishdi.
Ahmad Mabxut qanotdan uzatib berilgan to'pni ajoyib tarzda o'ziga to'g'rilab oldi va qoyilmaqom tarzda muvozanatni tikladi. Ikkinchi bo'limda Ahmad Xalil uzoq masofadan kuchli zarbasi bilan jamoasini hisobda oldingi olib chiqdi – 2:1.
Yakunda 2:1 hisobida g'alabaga erishgan BAA futbolchilari ochkolari sonini 13 taga etkazishdi va o'z guruhlarida to'rtinchi pog'onani band etib turishibdi. Saudiyaliklar hisobida esa 16 ochko mavjud va ular guruh peshqadami Yaponiyadan bir ochko ortda qolgan holda ikkinchi pog'onadan joy olgan.
Fikrlar