15 okt 08:46
Yangiliklar

Futbol

JCH-2026 Saralash. Bugun BAAga qarshi muhim o'yinda maydonga tushamiz

Bugun O'zbekiston milliy terma jamoasi JCH-2026 saralash guruh bosqichining 4-turida BAAga qarshi maydonda saf tortadi.

Jamoamiz bugun BAAga qarshi bahs olib boradi. Uchrashuv soat 19:00 da "Bunyodkor" stadionida boshlanadi. Bugungi o'yin oldidan terma jamoamiz 7 ochko bilan to'plar nisbatiga ko'ra guruh peshqadami bo'lib turibdi. Eronda ham 7 ochko bor. Bugungi raqibimiz BAA 4 ochkoga ega.

Bugun 4-tur doirasida Eron Dubay shahrida Qatar terma jamoasi mehmoni bo'ladi. Qo'shnilarimiz Qirg'iz Respublikasi terma jamoasi o'z maydonida KXDRni qabul qiladi.