10 sen 11:21
Yangiliklar

Futbol

JCH-2026 saralashi. O'zbekiston bugun Qirg'iz Respublikasi mehmoni bo'ladi

Srechko Katanec boshchiligidagi O'zbekiston terma jamoasi bugun JCH-2026 saralash bosqichi doirasidagi ikkinchi uchrashuvini o'tkazadi.

Bosh jamoamiz Bishkek shahrida Qirg'iz Respublikasi terma jamoasiga qarshi maydonda saf tortadi. Uchrashuv bizning vaqt bilan soat 19:00`da Dolen Omurzakov nomli stadionda boshlanadi.

Guruhdagi eng kuchli ikki jamoa to'g'ridan-to'g'ri mundial yo'llanmasini qo'lga kiritadi. Bugun guruhimizda BAA - Eron, KXDR - Qatar terma jamoalari uchrashuvi ham bo'lib o'tadi.