JCH tarixida ilk bor o'zbekistonlik mutaxassis komissar sifatida ishlaydi

Avvalroq, FIFA tashkiloti mazkur mundialda ishlaydigan hakamlar ro'yxatini elon qilgan bo'lib, bu ro'yxatda hamyurtlarimiz Ravshan Ermatov va uning yordamchilari Abduhamidullo Rasulov va Jahongir Saidovlar borligi haqida avval xabar berib o'tgandik.

FIFA tashkilotidan yana bir xushxabar keldi: Jahon chempionatlari tarixida birinchi marta o'zbekistonlik mutaxassis mundial o'yinlarida komissar sifatida ishlaydi.

MOQ Prezidenti va O'FA birinchi vice-prezidenti Umid Ahmadjonov FIFA prezidenti Janni Infantino bilan yaqin aloqalar o'rnatgan holda, O'zbekistonda futbolni rivojlantirish borasida hamkorlik bo'yicha kelishuvga erishgani o'z samarasini bermoqda. SHu hamkorlik natijasida FIFA tashkiloti o'zbekistonlik mutaxassislarga Xalqaro musobaqalarda ishlash uchun imkoniyat taqdim etyapti.

O'zbekiston futbol associaciyasi Xalqaro boshqarmasi boshlig'i o'rinbosari sifatida faoliyat yuritayotgan Olim Arifov JCH-2018 musobaqasiga komissar sifatida rasman taklif qilingan.

Qayd etish kerakki, shu paytga qadar nafaqat O'zbekistondan, balki Markaziy Osiyodan birorta mutaxassis JCHda komissar sifatida ishlamagan. Olim Arifov bu borada birinchi bo'ladi.