Jismoniy tarbiya va sport vaziri Andijon viloyatida bo'ldi

Dastlab 18 may kuni vazir Qilichbozlik sport majmuasi faoliyati bilan tanishdi hamda faoliyat olib borayotgan rahbar va murabbiy xodimlar bilan muloqotda bo'lib, ularning ishini yaxshilash bo'yicha tegishli topshiriq va ko'rsatmalar berdi.SHuningdek, Andijon shahrida yangidan barpo etilayotgan “Universal sport majmuasi”da olib borilayotgan qurilish-tiklash ishlarining borishi bilan tanishgan vazir qurilish jarayonida  sport majmuasi uchun ishlab chiqilgan koncepciyaga to'liq rioya qilinishi yuzasidan bosh pudratchi tashkilot rahbarlari bilan suhbatlashdi.

19 may kuni SHoakrom Isroilov Andijon Olimpiya zaxiralari kolleji faoliyati bilan tanishdi. Jumladan, muassasada sport mashg'ulotlarlarini to'g'ri tashkil etish, o'quvchilarning to'g'ri ovqatlantirilishi yuzasidan olib borilayotgan ishlarga alohida etibor qaratdi.
SHu kuni Ulug'nor tumanida O'zbekiston Respublikasi Prezidenti SH.M.Mirziyoev raisligida Andijon viloyati faollari bilan o'tkazilgan videoselektor yig'ilishida ishtirok etdi.
20 may kuni davlatimiz rahbari raisligida o'tkazilgan yig'ilishda berilgan topshiriqlar ijrosini taminlash maqsadida vazir Bo'z tumanida bo'lib, bolalar va o'smirlar sport maktabi faoliyati bilan tanishdi hamda sport muassasasi faoliyatini yanada takomillashtirish yuzasidan masul xodimlarga tegishli ko'rsatmalar berdi.

SHuningdek, xizmat safari davomida viloyatdagi bolalar va o'smirlar sport maktablari raxbarlarining talab va takliflaridan kelib chiqib, sport muassasalarini sport anjomlari bilan taminlash bo'yicha takliflar ishlab chiqildi.