Jismoniy tarbiya va sport vazirligi logotipini yaratish bo'yicha tanlov o'tkaziladi

Tanlov bir bosqichda o'tkazilib, unda yuridik shaxslar bilan bir qatorda jismoniy shaxslar ham ishtirok etishlari mumkin. Tanlovda hakamlar hayati azolari ishtirok etishmaydi.

Tanlovga loyihalar quyidagi shaklda taqdim etiladi:

har bir ishtirokchi tanlovda cheklanmagan miqdorda loyihalar taqdim qilishi mumkin;

logotip loyihasi formati -10 Mb gacha, ikki ko'rinishda – JPG va PSD formatida elektron variantda O'zbekiston Respublikasi Jismoniy tarbiya va sport vazirligiga yuboriladi.

Tanlov loyihalari quyidagi manzilda qabul qilinadi:

100017, Toshkentda shahri, Abdulla Qodiriy ko'chasi 2-uy;

Telefon: (+99871) 239-24-37, e-mail: info@minsport.uz.

Tanlovga yuborilgan loyiha Jismoniy tarbiya va Sport vazirligi faoliyatini yoritib beruvchi ramziy xususiyatlarga, betakror badiiy echim va badiiy g'oyaning izchilligiga ega bo'lishi, shuningdek, O'zbekiston Respublikasi Jismoniy tarbiya va sport vazirligi yozuvi bo'lishi shart.

Tanlovga loyihalar 2019 yilning 1 dekabridan 15 dekabrga qadar (shu kuni ham) qabul qilinadi. Tanlov g'olibi 2019 yil 20 dekabrda elon qilinadi.

Hakamlar hayati tanlovning asosiy talablariga javob bermaydigan loyihalarni ko'rmaslikka haqli. Hayat azolarining har biri bitta ovoz berishga ega. Agar hayat azolarining ovozi teng bo'lsa, komissiya raisi yakuniy ovozga ega bo'ladi.

Hakamlar hayatining tanlov g'olibini mukofotlash to'g'risidagi qaroridan so'ng tanlov natijalari vazirlik rasmiy sayti va turli OAV orqali elon qilinadi.

Tanlov natijalariga ko'ra g'olib ishtirokchiga 10 000 000 (o'n million) so'm miqdoridagi pul mukofoti beriladi. SHunday ekan, tanlovda faol ishtirok eting va g'olib bo'ling.

Jismoniy tarbiya va sport vazirligi Matbuot xizmati