17 sen 07:17
Yangiliklar
SHaxmat
Jizzaxda faxriylar o'rtasida shaxmat musobaqasi o'tkazildi
Jizzax shahrida Ichki ishlar va Mudofaa vazirliklari, Davlat xavfsizlik xizmati, CHegara qo'shinlari, Bojxona qo'mitasi va Afg'on urushi faxriylari o'rtasida sportning shaxmat turidan musobaqa tashkil etildi.
Jizzax viloyati jismoniy tarbiya va sport boshqarmasi hamda qator tashkilotlar hamkorligida tashkil etilgan musobaqada 20 nafarga yaqin faxriy o'zaro dona surdi.
Faxriylar o'rtasida shaxmat sportini rivojlantirish hamda ularni sportga yanada kengroq jalb qilish maqsadida o'tkazilgan musobaqa yakunlariga ko'ra 1-o'rinni Pardabek Jabborov, 2-o'rinni Umid Sultonov, 3-o'rinni Erkin Soipnazarovlar qo'lga kiritdi.
Musobaqada g'olib va sovrindorlari hamda faol ishtirok etgan qatnashchilar viloyat jismoniy tarbiya va sport boshqarmasining diplom, medallari hamda tashkilotchilarning qimmatbaho esdalik sovg'alari bilan taqdirlandi.
Havola :
Manba : minsport.uz
Fikrlar