Jo'rabek birinchi raketkadan so'ng yana bir kuchli raqibni taslim etdi

Sovrin jamg'armasi 25 000 AQSH dollarini tashkil etuvchi ushbu musobaqada o'zbekistonlik tennischilar ham ishtirok etayotgan edi. Ulardan Mark Tryakshin va Jo'rabek Karimovgina bosh sovrin uchun kurashni davom ettiryapti. 

Jo'rabek birinchi davrada turnirning birinchi raketkasi, shveycariyalik Mark-Andrea Xyuslerni 6:4, 7:6(6) hisobida taslim etgan edi. Biroz avval yakunlangan va 55 daqiqa davom etgan ikkinchi bosqich uchrashuvida esa u yana bir kuchli raqib, gruziyalik George Civadzedan 6:1, 6:2 hisobida ustun keldi.   

Jo'rabek Karimovning chorak finaldagi raqibi birozdan so'ng aniqlanadi. Ikkinchi davradan o'rin olgan o'zbekistonlik Mark Tryakshin hamda turnirning beshinchi raketkasi, rossiyalik Kosntantin Kravchun uchrashuvi g'olib chorak finalda Jo'rabekka raqib bo'ladi.