Jo'yjangal mahallasi Viloyat prokurori kubogi sohibi

Joylarda sog'lom turmush tarzini keng targ'ib etish va ommaviy sportni yanada rivojlantirish maqsadida Termiz shahridagi mahallalarning uyushmagan yoshlari o'rtasida mini-futbol bo'yicha «Viloyat prokurori kubogi» musobaqasi o'tkazildi. Unda Termiz shahridagi jami 21ta mahalla jamoalari ishtirok etishdi.

Kecha «Viloyat prokurori kubogi» musobaqasining final uchrashuvi bo'lib o'tdi hamda g'olib va sovrindorlar aniqlandi.

Qiziqarli va murosasiz kechgan final uchrashuvida Termiz shahridagi «Jo'yjangal» mahallasi jamoasi «Eski shahar» mahallasi jamoasini yirik – 4:1 hisobida mag'lub etdi va musobaqa g'olibligini qo'lga kiritdi.

Faxrli 3-o'rin «O'zbekiston» mahallasi jamoasiga nasib etdi.