Jumaev Nyu-Delidagi turnirning peshqadamlari safiga qo'shildi

15th Delhi International Open Grandmasters shess tournament musobaqasida uch nafar grossmeysterimiz – Marat Jumaev, Gulruhbegim Tohirjonova va Sarvinoz Qurbonboevalar ham o'z imkoniyatlarini sinovdan o'tkazishyapti. 

Kecha o'tkazilgan 8-tur uchrashuvlaridan so'ng Marat Jumaev 8 imkoniyatdan 6,5 ochko jamg'arib, peshqadamlar safiga qo'shildi. Grossmeysterimiz qo'shimcha koeficentlarga ko'ra 16-pog'onadan 8-o'ringa ko'tarilib oldi. Ikkinchi pog'onadagi shaxmatchi hisobida ham 6,5 ochko bor. 

Jumaev 8-partiyada musobaqaning to'rtinchi raqamli ishtirokchisi, italiyalik grossmeyster David Albertoni mag'lubiyatga uchratdi. Bugun u o'zi singari 6,5 ochko jamg'arib turgan hindistonlik Niranjan Navalgundga qarshi qora donalarda harakat qiladi.

Sarvinoz Qurbonboeva oq donalarda o'ynab, rossiyalik xalqaro grossmeyster Andrey Devyatkinga yutqazdi. U qo'shimcha ko'rsatkichlarga ko'ra 44-o'rindan joy olgan.

Gulruhbegim Tohirjonova esa oq donalarda harakat qilib, mezbon shaxmatchi Mukerji Debarshi bilan durang o'ynadi. Gulruhbegim 5 ochko bilan 52-pog'onani band etgan.